《辣警霸王花》

Horace Chan 10/17/2016 12:00:00 AM 影評

動作喜劇從來都是港產片招牌菜,八十年代成龍洪金寶元彪福星片集好似奇謀妙計五福星,福星高照等更屢次大收旺場,但隨著這班動作演員日漸年長,就算李連杰甄子丹亦己五十過外,在新一輩動作演員亦買少見少,這種類型片亦有面臨失傳危機,但可喜見到由錢國偉執導,錢家班動作指導辣警霸王花重現港片活力,故事一開頭講述特種部隊「霸王花」奉命出征泰國,緝捕頭號通緝犯「總統」,片一開始見到一眾靚女如Jessica C, 楊思崎,陳嘉垣等比堅尼冰衣上陣冰池嬉戲,以為又是錢國偉一貫販賣性感靚女伎倆,結果因由鄧麗欣飾演好勝而年青的隊員違抗上司命令,最終任務失敗,其他隊員壯烈犧牲,「霸王花」從此解散。劇情講到二十年後,警隊重組「霸王花」,挑選了一批女訓練員進入訓練營,接受嚴格特訓。唯一生還鄧麗欣亦已變成由梁淨飾演威猛有壓場「霸王花」教官Madam Fong. 令人諗年喺霸王花飾演madam wu嘅胡慧中,梁淨亦是當年皇家師姐系列繼楊紫瓊楊麗菁後第三代師姐,找梁淨演出大有致敬意味。 過程中,岺麗香飾演阿花認識了慳妹、豪哥、Cat、阿瞳、Ling Ling,她們六人年紀相若,但性格各異六人各具特色,負起搞笑任務鄭欣宜非常搶鏡,令人諗起昔日霸王花吳君如,其中例如同飛虎隊鬥食蛋向小肥噴面,拿行李跑步,而飛虎隊學員同霸王花鬥咀,以上場面都令觀眾忍俊不禁,其如成員包括身材出眾崔碧嘉似足當年葉子楣,憑無線奪功夫新星冠軍何佩珉飾演豪哥就似足惠英虹,其他成員例如大台花旦飾演阿花嘅岑麗香,Jenna何佩瑜,反派蔡潔,同來自大馬李元玲及童冰玉都各自有令人留下印象深刻的表現。 動作指導錢家班亦居功至偉,將女警受訓拍出實感,例如泳池集體格鬥,劇情亦都並非一味平鋪直敘,而模擬反恐遇真綁匪,更令六位隊員更加感情加深,同舟共濟而更團結,錢國徫喺刻劃隊員士氣,亦都突破俾人覺得只懂拍夜蒲電影,高潮動作同大反派決一生死,睇得出錢家班未有對眾女星憐香惜玉,個個都打到拳拳到肉,令我諗起以前成龍電影動作場面女星經常被糟質。錢國偉過往拍喜愛夜蒲系列票房叫座評語不算太好,前作綁架丁丁當反而評價不俗但票房失收,且看今次辣警霸王花票房能否否極泰來叫好叫座

網主 Horace Chan

你可能感興趣

即將上映