《寒戰2》遠比上集遜色, 劇本誇張失實, 講不斷理還亂

Horace Chan 11/7/2016 12:00:00 AM 影評

《寒戰II》繼續由梁樂民陸劍青執導,除保留上集人馬,更加入特別演出周潤發,故事延續《寒戰》的發展,從寒戰行動後劉傑輝(郭富城飾)獲擢升成警務處處長,但恐怖份子卻脅持輝的太太,要求要拿羈留中的李家俊(彭于晏飾)交換,最終輝更親自押送俊交換,惟行動失敗,俊遭逃脫。輝的手法惹來公眾不滿,立法會大比數議員投贊成票遂召開特別會議進行研訊,當然以而家政治現實,一哥要連建制派都投贊成票,當然發生可能性近乎零,今次加入周潤發,第一場出場就安排佢同律政司司長黎永廉(李子雄飾)親自邀請資深大律師簡奧偉(周潤發飾)加入。更做就周潤發同李子雄再度相遇對手戲,令人諗起mark 哥再遇大哥成,兩場特別會議,周潤發呢個大狀議員詞鋒鋭利,除左問到郭梁口啞啞,發哥嘅魅力當堂令現實中公民黨果班大狀議員因醫療改革而被受批評比下去,呢個簡奧偉角色亦是發哥近年來頗生猛角色。

陸梁上次赤道玩到南韓核武仲牽涉到北京介入,今次繼續發揮語不驚人誓不休,今次成個陰謀背後牽涉幕後黑手錯縱複雜,連帶劇本聞說周潤發喺一個星加坡媒體接受訪問都話要睇幾次都唔係完全明白,最好要勞煩兩位導演親自解話,講翻幕後黑手原來係牽渉由張國柱飾演前警隊一哥蔡元琪,想做做王者,話說原來係由演律政司司長,話要想選特首,前半部所誧排政治權鬥同周潤發角色設定,係後半部不知所蹤,全片對白繁多, 甚至經常賣弄警界同政界職銜及其他專有名詞,喺西管盤地鐵站炸彈襲擊果場戲,陸梁二人作為多年資深幕後人負,處理呢類場面當然駕輕就熟,飾演發哥養女侓師Janice man 有case唔跟,走去做狗仔隊跟蹤張國柱同彭于晏更出現城門隧道飛車槍戰,實在跨張失實,未經誧排而出現楊佑寧,而做成人質槍戰場面,令劇力無以為繼,上集一d瘀血好似楊采妮同埋今集無必要出現李治廷難免繼續成為本片最弱一環,郭富城一哥形象令人諗起前一哥鄧竟成,全片演出太自覺,亦都非常chok, 亦不及佢踏血尋梅演出為投入角色而抹走明星感,梁家輝飾演李文彬𥚃外不是人,進退失據,不及上集威風,寒戰2成績遠遠比第一集遜色,劇本不濟誇張失實,就算請來林超賢卿用編劇吳煒倫亦實在鞭長莫及。上集講述李文彬劉傑輝兩位副警務處長明爭暗鬥,然後有ICAC介入,故事結構完整,主題訊息亦好清淅,槍戰飛車爆破出現都合乎劇情需要,難怪寒戰成為無間道以來其中一部出色港產片,今次臨結尾出現前一哥同現任一哥喺機埸枱底交易黑箱作業,你一邉話要維護香港警隊形象,維護法治,另一邊黑警當道法治遭殃,唉!對於一般對住政治識條鐵,甚至討厭政治觀眾,實在講不斷理還亂

網主 Horace Chan

你可能感興趣

即將上映